Të enjten e 8 shtatorit vdiq Mbretëresha Elizabeth II, monarkja më jetëgjatë në Mbretërinfë e Bashkuar, në moshën 96-vjeçare, pasi mbretëroi për 70 vjet.
Me vdekjen e mbretëreshës britanike, djali i saj i madh Charles, ish Princi i Uellsit, po e udhëheqë vendin në zi si Mbreti i ri dhe kreu i shtetit për 14 mbretëritë e Komonuelthit.
Mbreti Charles III njoftoi se do të ketë 17 ditë zie për vdekjen e nënës së tij.
(Fotografi e realizuar nga Anadolu)
Gjatë ditës së djeshme teksa u bë dita e gjashtë pas vdekjes së Mbretëreshës në Skoci, trupi i saj është bartur me një karrocë me kuaj nga shtëpia e saj në Pallatin Buckingham për në Ëestminster Hall, ku trupi i saj do të qëndrojë për katër ditë të plota deri në funeralin e saj të hënën.
(Fotografi e realizuar nga AP)
Por, interesimi i njerëzve për të nderuar Mbretëreshën Elizabeth II nuk është ndalur teksa mbi pesë milionë njerëz kanë përcjellur direkt fluturimin e aeroplanit që po barte arkivolin e saj të martën nga Skocia për në Londër.
Ky fluturim u bë edhe më i ndjekuri ndonjëherë në botë, sipas Flightradar24, që gjurmon fluturimet e linjave ajrore në mbarë botën, njoftoi se 4.79 milionë njerëz e shikuan fluturimin në internet dhe miliona të tjerë në YouTube.
Mes tjerash, që nga mëngjesi i ditës së diel, arkivoli i Elizabethës II ka lëvizur nëpër qytete e qyteza të ndryshme nga Kështjella Balmoral për në Edinburgut.
(Fotografi e realizuar nga Jamie Williamson/AFP/GETTY IMAGES)
(Fotografi e realizuar nga The Telegraph)
Mijëra njerëz janë mbledhur nëpër pallatet mbretërore që kur vdiq mbretëresha duke vendosur lule në kujtim e nderim të saj. Teksa edhe liderë botërorë kanë reaguar pas vdekjës së saj duke zgjedhur fjalët më mirë për ta kujtuar atë.
(Fotografi e realizuar nga Richard Heathcote/Getty Images)
Kujtojmë se ceremonia e varrimit të monarkes britanike do të zhvillohet më 19 shtator duke filluar nga ora 11:00 në Londër, teksa po e njëjta ditë është shpallur ditë pushimi në gjithë Mbretërinë e Bashkuar nga Mbreti Charles III.
(Fotografi e realizuar nga The New York Times)
Me nderimet të larta veçse jo mbretërore, u përcoll edhe ish-presidenti historik i Kosovës, Ibrahim Rugova.
Ai u nda nga jeta më 21 janar të vitit 2006, në rezidencën e tij në lagjen Velania të Prishtinës, pasi për disa muaj vuante nga kanceri në mushkëri.
Më 23 janar 2006 funerali me trupin e presidentit Rugova u vendos në hollin e Kuvendit të Kosovës. Aty mijëra qytetarë patën mundësinë të bëjnë homazhe dhe nderimet e fundit për tri ditë me radhë.
Varrimi i Rugovës u bë të enjten e 26 janarit, ku edhe në varrim morën pjesë mijëra qytetarë.
Pos qytetarëve e krerëve institucionalë nga mbarë vendi, për nderime e varrim të ish-presidentit Rugova pati edhe shumë delegacione zyrtare.
Ceremonia mortore u zhvillua në sallën 1 tetori në Prishtinë. Pastaj arkivoli u bart nga Trupat Mbrotjëse të Kosovës për tek varrezat e dëshmorëve në lagjen Velania ku Ibrahim Rugovës i’u bënë nderimet e fundit dhe aty gjeti vendin e përjetëshëm.
Ndryshe nga protokollet mbretërore që i janë bërë e do t’i bëhen Mbretëreshës Elizabeth II, ceremonia mortore e ish-presidentit Rugova u bë me rite kombëtare.
Në temperatura shumë të ulëta besohet se rreth 700 mijë qytetarë bën homazhe në radhë shumë të gjata.
Pjesë e ceremonisë së varrimit të ish-presidentit, Ibrahim Rugova ishin edhe delegacione nga Shtetet e Bashkuara të Amerikës, Bashkimit Evropian, nga zyra e UNOSEK-ut si dhe delegacione nga Austria, Britania, Belgjika, Shqipëria, Gjermani, Spanja, France, Sllovenia, Kroacia, Maqedonia, Greqia dhe disa vende afrikane.
