Ish-kandidati për kryetar të Drenasit, Driton Ajazi ka kritikuar ashpër udhëheqësin aktual të kësaj komune, Ramiz Lladrovcin, shkruan portali Rajoni.org.
Sipas Ajazit, Ramiz Lladrovcin e ka kapur zori i madh i larjes së borxheve që i ka shkaktuar gjatë fushatës zgjedhore, duke e bërë t’i anashkalojë gjërat esenciale në interes të qytetarëve.
“E gjysma e fshatrave të komunës tonë me mungesë të ujit të pijes, e qytetarët çdo ditë me orë të tëra nëpër kolona, e bërllogu me javë të tëra te dera. E ky i shtynë perpara vetem ato punë që këtij dhe dostave të tij, i shkojnë për shtati!”, -ka thënë ndër të tjerash Ajazi.
Për më shumë shkrimi i plotë i tij:
DAMQORI NUK DI TË NDALET
Të nderuar qytetar,
Siq po e shihni, avazi i mendësisë grabitqare ka marr hovë e nuk ka të ndalur! Edhe pse disa prona komunale ende i kan mbetur pezull Damqorit, në mungesë të votës për dhënie në shfrytëzim të tyre sepse janë prona kryekput për kthim të borgjeve për pazaret e bëra gjatë zgjedhjeve, në këmbim të atyre pronave!
Ky, vazhdon me prioritetet tjera në këtë fushë, sepse dyshimet janë se përfitimet më të mëdha janë po nga kjo fushë! Më poshtë mund ti shihni pronat komunale të planifikuara nga Damqori, për dhënie në shfrytëzim për 99 vite gjatë viti 2023.
Pra, vetëm shiqoni se çka po i jep prioritet Damqori gjatë madatit të dytë të qeverisjes të tij! Dhënien në shfrytëzim të shumicës së pronave komunale për interesa të tij personale dhe të një grupi të caktuar, të cilët dojnë të pasurohen në kurriz të interesit të qytetarëve të komunës tonë!
E gjysma e fshatrave të komunës tonë me mungesë të ujit të pijes, e qytetarët çdo ditë me orë të tëra nëpër kolona, e bërllogu me javë të tëra te dera. E ky i shtynë perpara vetem ato punë që këtij dhe dostave të tij, i shkojnë për shtati!
E Damqori, prap tani na fyen intelegjencen për qeverisje të shkëlqyer e performancë të mirë!
Vlerësojeni vetë përformancen e tij!
#STOPGRABITJESSËPRONËS
D.A.