Rivarrosen në Syriganë trupat e dy kosovarëve të cilët ishin të zhdukur nga lufta (VIDEO)

Në fshatin Syriganë të Skenderajt janë varrosur Osman Osmani e Rexhep Rexhepi të cilët nga 8 qershori i 1998 rezultuan si të zhdukur.

Trupat e tyre u gjetën vjeshtën e vitit të kaluar, diku rreth 50 metra largë shtëpive të tyre, derisa informacionin për ta besohet ta ketë dhënë një serb, që më nuk është gjallë, njofton Klan Kosova.

Varrosja e Osmanit që në kohën kur u vra ishte 45-vjeçar e Rexhepit 60-vjeçar, ua lehtësoi dhimbjen familjarëve. Ata thanë se tash të paktën e kanë një vend ku mund të dërgojnë lule.

Për Osmanin e Rexhepin të cilët u vranë nga forcat serbe, familjarët kanë hapur të pame e cila do të jetë e hapur tre ditë.