Cristiano Ronaldo nuk është dhe nuk do të jetë kurrë një futbollist si gjithë të tjerët. Në thelb sepse ai shkroi historinë dhe potencialisht vazhdon ta bëjë këtë me çdo top të prekur dhe gol të shënuar.
Topa të Artë dhe rekord pas rekordi që portugezi arriti të thyente në karrierën e tij. Megjithatë, pas largimit nga Juventusi dhe kthimit te Manchester United, karriera e tij duket se është në një udhëkryq vendimtar që po e çon në një rënie të ngadaltë.
Sezonin e kaluar, ndonëse nuhatja e golit nuk u shua, mbërriti vetëm kualifikimi në Europa League dhe në muajt e verës Ronaldo kërkoi largimin nga Old Trafford.
Kapitulli ka mbetur i hapur, duke qenë se marrëdhënia me Erik ten Hag nuk është shumë e mirë dhe CR7 ka humbur vendin në formacionin titullar.
Lamtumira me klubin me të cilin u bë i madh mund të realizohet tashmë në janar dhe mund të kënaqë të gjitha palët. Sidomos nëse, në fund, blerësit do ta realizojnë vërtet “goditjen e shekullit”.
Kështu e kanë përkufizuar media të ndryshme turke, sepse Galatasaray nuk ka ndërmend të heqë dorrë nga ëndrra Ronaldo, pavarësisht një rroge shumë të lartë dhe një reparti sulmues që u forcua në merkaton e verës me lojtarë të kalibrit të Dries Mertens dhe Mauro Icardi.
Sipas asaj që raporton Fotomac, turqit nuk e kanë mbyllur aspak kapitullin Ronaldo dhe këtë e tregojnë edhe fjalët e fundit të një njeriu shumë të rëndësishëm në dinamikën e Galatasaray. Nënpresidenti Erden Timur tha në fakt: “Kemi takuar emra që sfidojnë ëndrrat”.
Frazë që ka ushqyer më tej shpresat e turqve për një marrëveshje të shtrenjtë, por që mund të ndryshojë edhe historinë e Super Ligës.
Mediat turke, në fakt, janë të shfrenuara për atë që ata mendojnë se mund të jetë goditja më e rëndësishme në historinë e Turqisë nga këndvështrimi i futbollit.