Një 11 vjeçare për rreth tre muaj këtë vit është dhunuar nga 11 persona të ndryshëm, tre prej të cilëve janë të mitur. Mirëpo, ky nuk është rasti i vetëm kur pre e dhunës seksuale është një e mitur,
Saranda Keqekolla, ish-mbrojtëse e viktimave, ka rrëfyer për rastet me të cilat ajo është marrë gjatë punës së saj si mbrojtëse e viktimave. Ajo ka treguar për një rast përdhunimi ku e mitura kishte ngelur shtatzënë.
“Në praktikën time kam mbrojtur raste shumë të rënda, ka qenë një rast kur një 13 vjeçare është dhunuar nga fqinji 86 vjeç, vajza ka mbetë shtatëzënë dhe e kanë detyru me abortu në muajin e katërt. Pas analizës së fetusit ka dal që babai biologjik ka qenë 86 vjeçari i cili është dënu me 6 vite burg, pas tre viteve në vuajtje të dënimit, i njëjti ka vdekur”, tha ajo në Kallxo Përnime.
“Për këtë viktimë kam realizuar edhe kompensim nga fondi për kompensim të viktimave të krimit dhe kam bërë padi për kompensim dëmi në procedurë civile me propozim për masë të sigurisë sepse kam qenë e vetëdijshme që plaku ka qenë 86 vjeç dhe në momentin që vdes pasuria do trashëgohet tek fëmijët e tij. Masa e sigurisë më është refuzuar nga gjykata”, deklaroi me tej ajo.