Organi më i lartë legjislativ i Kosovës, Kuvendi, dje është bërë edhe me një deputet nga treva e Drenicës, shkruan portali Rajoni.org.
I njëjti ka kryer dje procedurat e nevojshme për të fituar madantin e deputetit.
Kështu, Ganimete Musliu, Bekim Haxhiu, Mërgim Lushtaku Abelard Tahiri dhe të tjerët që vijnë nga treva e Drenicës respektivisht nga komuna e Skënderajt tani do ta kenë edhe një koleg në ulëset e Parlamentit.
Deputeti i ri vie nga Baja e komunës së Skënderajt, një fshat i banuar kryesisht nga komuniteti serb.
Bëhet fjalë për Svetisllav Jokiqin nga lista serbe, i cili ulësen në parlament e ka marrë pas largimit të ish-deputetëve të kësaj liste nga ky institucion i Kosovës ditë më parë.
Burime të Rajonit bëjnë me dije se Svetisllavi, përndryshe familjar i ish-zyrtarit të mbrojtjes në komunën e Skënderajt, Mile Jokiç, i cili këtë funksion e ka ushtruar edhe gjatë luftës, jeton në Kralevë.
Para lufte ai kishte punuar në një fabrikë në Istog, ndërsa pas lufte ishte inkuadruar në politikë me Listën Serbe, përmes së cilës edhe e ka fituar mandatin./Rajoni.org/
