Fadil Nura e Sami Lushtaku kanë vënë gurthemelin e objektit për dy kompanitë publike, kompaninë regjional “UNITETI” dhe kompaninë lokale “Eko NATYRA”, shkruan portali rajoni.org.
Në prezantimin e këtij plan-projketi ata kanë paraparë që në hyrje të këtyre dy objektive të ketë berllog, që me gjasë presin se do ta shkaktojnë drunjtë përreth atij objekti të përbashkët për këto dy kompani.
Kur berllogu është pjesë përbërëse e ndërtimit të objektit për kompanitë që duhet ta largojnë berllogun, çfarë të pritet më shumë? Mbeturinat në qytet nuk është se nuk mund të largohen, por sepse Fadilin e Samiun nuk i pengojnë!
E për që nuk i pengojnë dëshmojnë edhe fotot në postimin e djeshëm, ku Samiu postonte foto i rrethuar nga berllogu, e largimi i atyre shisheve do t’i kushtonte disa sekonda kohë.
Pra, berllogu është pjesë përbërëse e udhëheqësisë aktuale. Ata nuk i pengon, e reklamojnë në foto, e, edhe e përfshijnë në projekte ndërtimore.
Për ta berllogu nuk përbën problem. E përderisa nuk përbën problem berllogu për ta, qytetarët e Skënderajt duhet të mësohen me kulturën e atyre që i kanë votuar.
