Sot luhen tri ndeshje tjera interesante në Superligën e Kosovës, vëmendja në Drenicë

Sot do të luhen tri ndeshjet e fundit në kuadër të xhiros së pestë në kuadër të Superligës së Kosovës.

Përballja e parë do të jetë në mes Prishtinës dhe Dukagjinit, me fillim nga ora 15:00.

Kampioni aktual i Kosovës, është ende pa fitore në stinorin e ri dhe do të kërkoj tre pikët e para pikërisht kundër Dukagjinit, e cila gjithashtu është përforcuar mjaftë shumë në afatin kalimtar të verës.

Dy ballafaqimet tjera, Drenica-Drita dhe Gjilani-Ulpiana luhen me fillim nga ora 16:00.

Ndeshja e ditës pritet të jetë ajo në mes Drenicës dhe Dritës, pasi që të dy skuadrat do të luftojnë për të qëndruar në vendin e parë.

Përballje tjetër interesante pritet te jetë edhe ajo në mes Gjilanit dhe Ulpianës.