Dhomat e Specializuara të Kosovës në Hagë, ia kanë vazhduar masën e paraburgimit ish-presidentit Hashim Thaçi.
Ky vendim, është marrë më 29 shtator nga gjykatësi i procedurës paraprake, Nicolas Guillou, mirëpo u publikua më vonë në faqen zyrtare të DhSK-së.
Në vendim thuhet se mbrojtja, parashkrimet tjera për rishikimin e ardhshëm të paraburgimit, duhet t’i bëjë deri më 29 tetor.
Nëse mbrojtja vendos të mos bëjë parashtresa në atë afat, Zyra e Prokurorit të Specializuar (ZPS) duhet t’i parashtrojë parashtresat jo më larg se 4 nëntor dhe pastaj mbrojtja parashtesat e saj jo më larg se më 15 nëntor, raporton Betimi për Drejtësi.
Ndryshe, në një shkresë drejtuar gjykatësit paraprak, Guillou, mbrojtja e Thaçit parashtroi se është e nevojshme mundësia unike hetimore për nëntë dëshmitarë ndërkombëtarë dhe se dëshmitë e tyre janë të rëndësishme për çështjen.