Ish-kandidati për kryetar të Skënderajt Sokol Halili në një video ka thënë se është i gatshëm të investojë në ndriçimin e komplet Skënderajt, mirëpo po has në disa pengesa, pikërisht nga ata që pritej të gjente mbështetje: Komuna, shkruan portali rajoni.org.
Sipas tij, Fadil Nura po krijon procedura të panevojshme burokratike me qëllim pamundësinë e këtij investimi. Fjalët e tij:
“Materialin e kam në depo, por ai njehsorët nuk i bjen. Unë i bëj kërkesë Fadil Nurës ai thotë shko bëji kërkesë atij, drejtorit të Ambientit, a çka është ai. E ka shti një thmi aty si drejtor, thotë shko bëni kërkesë atij.”
Ai ka thënë se nuk është hera e parë që po përpiqet ta marrë lejen nga Komuna për këtë investim. Në këtë investim krejt çka duhet të bëjë komuna është t’i sjellë njehsorët, të tjerat punë Halili ka thënë se i kryen me paranë e tij./Rajoni.org/