Pushteti aktual i Skënderajt ka nisur procedurat për të ndryshuar kontratën për koncesion me kompaninë “Rukolli” të lidhur në vitin 2010, shkruan portali Rajoni.org
Kjo kishte të bënte me ish-objektin e vjetër të stacionit policor në Skënderaj, ku kompania në fjalë ka ndërtuar një ndërtesë shumëkatëshe me banesa të cilat më pas ua kishte shitur qytetarëve të këtushëm.
Sipas asaj që shihet në materialin e ndarë nga pushteti për antarët e asamblesë komunale, kësaj kompanie, e cila njihet si një ndër përkrahësit më të mëdhenj të pushtetit dhe PDK-ës, afatin e dhënies me koncesion të pllacit të ish-objektit të vjetër policor, dëshiron t’ia zgjas nga 40 në 99 vite, pra 50 vite më shumë.
E gjithë kjo, as pa e ngarkuar këtë kompani me obligime e procedura të tjera, pra veç me një ngritje dore të asamblistëve të PDK-ës.
Në kohën kur është lidhur kjo kontratë opozita kishte akuzuar pushtetin e atëhershëm se me dhënien e kësaj kontrate ka pasur keqpërdorime në dëm të komunës.
Rasti kishte përfundur në gjykatë, mirëpo deri sot nuk ka pasur kurrfarë lëvizjesh. Sipas burimeve të portalit Rajoni disa nga këto lëndë janë parashtruar, ndërsa të tjera të këtij lloji janë në procedurë.
