Vdekja tragjike e vajzës një-vjeçare në Drenas, reagon babai i saj

Një fëmijë një vjeçar është mbytur pasi ka rënë në bazenin e shtëpisë në fshatin Likoshan të Drenasit.

Në lidhje me vdekjen e vajzës një vjeç e gjysmë ka reaguar edhe babai i saj, Lavdim Zymeri, i cili përmes rrjetit social në Facebook, ka shkruar se lamtumira e fundit i është dhënë gjatë pasditës në varrezat e fshatit, e që dyert e shtëpisë do të jenë të hapura për ngushëllime vetëm të mërkurën.

“Zoti na sprovoj mua, bashkëshorten dhe familjen time, me ndarjen nga jeta tregjikisht të vajzës tonë, Perla një vjeç e gjysmë. Me dhimbje të madhe ju njoftojmë se varrimi bëhet sot, ora 16:00 në varrezat e fshatit Likoshan. E pamja do të mbahet, nesër (një ditë), në fshatin Likoshan”, ka shkruar mes tjerash ai.