Zbulimi i pazakontë: Mumja egjiptiane ishte një grua shtatzënë dhe jo prift

Studiuesit polakë janë hasur me një rast të pazakontë në zbulimet e tyre. Teksa ekzaminuan një mumie të lashtë egjiptiane, prisnin që ajo të ishte një klerik burrë por u befasuan kur rezultatet nga testimet zbuluan se ajo ishte mumja e një gruaje e cila ka qenë 7-muajsh shtatzënë.

Studiuesit thanë se ky është rasti i parë në botë i një mumje të lashtë të ruajtur aq mirë i një gruaje shtatzënë.

Mumja arriti në Varshavë më 1826 dhe në arkivolin ku mbahej ishte mbishkrimi se aty ishte një klerik burrë. Ata kanë thënë se gruaja mund të ketë qenë 20-30 vjeç dhe madhësia e foshnjës në bark sugjeroi se mund të ketë qenë 26-28 javë.