Zhduket 22-vjeçarja në Skenderaj, nga telefoni i saj familjarët po pranojnë mesazhe kërcënuese për shitje veshkash

Një person nga Skenderaj lajmëroi në polici të dielën se vajza e tij 22 vjeçare është zhdukur dhe nga telefoni i saj po pranojnë mesazhe kërcënuese.

Familja thotë për Klan Kosova se nuk dinë arsyet pse ka ndodhur kjo, ndërsa pohojnë se nuk kanë raporte të këqija e as konflikt me dikë.

Rastin e konfirmuan edhe policia që thanë se këtë çështje po e hetojnë si “zhdukje”.

Ndërsa, lokacioni prej ku po vijnë mesazhet nuk po mund të identifikohet meqenëse ato po dërgohen nga interneti dhe kjo po krijon vështirësi.