Zyrtari i PDK-së, Ilir Gashi, e ka akuzuar analistin Armend Muja se deklaratat për rritjen enorme të LVV-së po i bën të gabuara qëllimisht, raporton Gazeta Express.
Gashi është thirrur në një deklaratë të një miku, për ta akuzuar Mujën se është i angazhuar që të krijojë përceptim se LVV-ja është bindshëm partia e parë.
“Një mik i imi, i afërm i Armend Mujes, pas kafës që kishte me Armendin, i kishte thënë: “deklarimet e mia jan për të kriju përceptim për VV-në, përshkak se më kanë punësuar gruan, sepse sondazhet e sakta janë siq ka thënë mbrëmë në RTK, Ramush Tahiri, të cilat i ka marrë nga unë”!”, ka shkruar Gashi.
“Vetëvendosje ka qenë në kuotën 52.3{325c0558aa0dac5542d270f1cd1849548c3fb8b6e9dbaf5e864ef21ba4ba6679}. E dyta vjen PDK-ja me rreth 15.3{325c0558aa0dac5542d270f1cd1849548c3fb8b6e9dbaf5e864ef21ba4ba6679}, LDK është e treta me rreth 13-14{325c0558aa0dac5542d270f1cd1849548c3fb8b6e9dbaf5e864ef21ba4ba6679}. AAK do t’i ketë rreth 7{325c0558aa0dac5542d270f1cd1849548c3fb8b6e9dbaf5e864ef21ba4ba6679}. Ndërsa pjesa tjetër te partitë tjera”, ka thënë Muja.
“Me këto përqindje mendoj se Vetëvendosje merr rreth 60 deputetë. Është ende herët mirëpo realisht rritja e Vetëvendosjes ka ndodhur nga muaji prill”, ka shtuar ai.
Ndërsa analisti tjetër, Ramush Tahiri, ka thënë se gara për vendin e parë do të jetë e ngushtë ndërmjet LVV-së dhe PDK-së.
“Vetvendosje do t’i ketë 35 -40 deputetë, PDK 32-35, dhe me pakicat 20, gjithsejt bëhen 85 deputetë. Ky do te ishte koalicioni paszgjedhor në të cilin kryeministri do të ishte nga Levizja Vetvendosje ndërsa presidenti i Kosovës nga Partia Demokratike e Kosovës”, ka thënë Tahiri.